Florim Zuka uron “Skifterat”: Jeni krenaria e futbollit shqiptarë

Gjilan – Tifozët e SC Gjilanit, “Skifterat”, tani e disa javë kanë filluar përgatitjet për jubileun e tyre të 20-të vjetorit të daljës në skenë të tifozëve “Skifterat”.

Manifestimi jubilarë i “Skifterave”, shihet kudo në qytet duke dominuar ngjyrat e skuadrës së tyret ë zemrës “kuqebardhë”.

Për presidentin e SC Gjilani, Florim Zuka, i cili ka filluar të bënë histori me SC Gjilanin dhe me tifozët besnik “Skifterat”, ky jubile i 20 vjetorit të themelimit të “Skifterave” është një festë e veçantë jo vetëm për klubin e SC Gjilani por për vet futbollin Kosovar e më gjerë

Presidenti Zuka ka uruar të gjithë ata që frymojnë me ngjyrat “kuqebardh”, ndërsa për Rajonin Press ai më tutje shtoi.
“Jam shumë i nderuar që për këtë përvjetor të themelimit të tifozëve të “Skifterave” të jem pjesë e juaja. Ju keni dëshmuar se jeni kultura e tifozerisë në futbollin shqiptarë, pa ju as që mundet të paramendohen sukseset e skuadrës suaj SC Gjilani, ju jeni pjesë e pandashme e klubit, ju në çdo kohë në shi e borë, në furtuna e vapë, në fitore e humbje, ju jeni ata që i jepni bukuri SC Gjilanit dhe futbollit Kosovar e më gjerë. Ne nuk do të ndalemi në asnjë moment, së bashku do të jemi ata që do të ndihemi krenar që i takojmë SC Gjilanit dhe grupit të tifozëve “Skifterat”. Urime “Skiftera”, gëzuar këtë përvjetor të krenarisë suaj në fushat e futbollit kudo që u shfaqët”./rajonipress/