Gjilan – Avokati Arsim Vranovci njeriu i autorizuar për shitjen e SC Gjilanit, ka reaguar duke theksuar se ish-presidenti i SC Gjilanit Florim Zuka, nuk është rikthyer për ta drejtuar klubin, por ai vetëm do t`i kryej borxhet ndaj futbollistëve dhe stafit të SC Gjilanit.
Siç bën të ditur avokati Vranovci, me datën 16 janar nga ora 10:30 do të mbahet një takim ku do të organizohet shitja e klubit “kuqebardh” SC Gjilanit. Në reagimin e avokatit Arsim Vranovci ka bërë të ditur të gjitha detajet: Po ju drejtohemi me këtë shkresë për të ju njoftuar se pas publikimeve në disa media dhe televizione lokale se SC Gjilani nuk do të shitet, ne ju njoftojmë se kjo informatë është e pasaktë dhe shitja e klubit futbollistik “SC Gjilani” vazhdon sipas planifikimeve paraprake. Pronari Florim Zuka thotë se do të jetë besnik ndaj klubit deri në momentin e shitjes dhe se do të përmbush obligimet që ka ndaj klubit “SC Gjilani”.
Të bashkangjitur ne këtë email e keni njoftimin tonë për media, si dhe ftesën për pjesëmarrje në thirrjen e hapur për shitjen e aksioneve të klubit futbollistik “SC Gjilani”./rajonipress/
