Gjilan – Pronari i Kompanisë “Tali” njeherit dhe Presidenti i SC Gjilanit, Florim Zuka, si pasojë e tërmetit që goditi Shqipërinë në orët e hershme të mëngjesit, ka mobilizuar menjëherë punëtorët e tij.
Në mënyrë vullnetare punëtorët e Kompanisë “Tali”, me makineritë e tyre të rënda janë nisur për t’ju dal në ndihmë vëllezërve nga Shqipëria.
“Është një gjendje shumë e rënd në shtetin e Shqipërisë pas tërmetit, ne menjëherë kemi reaguar duke dërguar njerëzit e Kompanisë “Tali” me disa makineri për t’ju dal në ndihmë vëllezërve tanë në këto momente shumë të vështira , ne jemi në gjendje për një kohë shumë të shkurt të dërgojmë edhe një numër të madh të punëtorëve të Kompanisë “Tali”. Në këto momente të vështira jemi me zemër pranë popullit të Shqipërisë, lusim zotin që këto momente të rënda të jenë sa më të lehta tek vëllezërit tanë”, theksoi Presidenti i SC Gjilanit, Florim Zuka./rajonipress/
