Florim Zuka: Kemi kualitet më shumë se Besa

Gjilan – Kryetari i “bardh e kuqëve” të Gjilanit, Florim Zuka, para ndeshjes së nesërme të barazhit me skuadrën e Besës së Pejës e cila zhvillohet në kryeqytet në stadiumin “Fadil Vokrri”, është i bindur se skuadra e tij është më e përgatitur dhe kualiteti është tek futbollistët e tij.

“E di se do të jetë vetëm një ndeshje dhe kthim mbrapa nuk ka, por jam i bindur se futbollistët do ta tejkalojnë këtë sfidë, ne si skuadër jemi shumë më të përgatitur se kundërshtari ynë Besa dhe kualiteti është në anën tonë, uroj që ky moment i barazhit të harrohet sa më shpejt tek skuadra e Gjilanit”, ka theksuar njeriu i parë i “bardh e kuqëve” të Gjilanit, Florim Zuka./sylejman ismajli/rajonipress/