Florim Zuka: Gjilani e “Skifterat” do të festojnë fitoren e derbit lokal

Gjilan – Për presidentin e “bardh e kuqëve” të Gjilanit, Florim Zuka, skuadra e Gjilanit është shembull dhe risi në Superligën e Kosovës si në paraqitjet ne fushë njashtu edhe për organizimin brenda skuadrës.

Gjilani vjen pas humbjes ndaj Prishtinës në minutat shtesë, për tu ballafaquar me rivalin lokal Dritën.
“Ne kemi bërë paraqitje tejet të mirë në Prishtinë, ishim më i mirë se kundërshtari por në futboll ndonjëherë nuk fiton më i miri, por jam i kënaqur me angazhimin e futbollistëve gjatë këtyre VI-të javëve të zhvilluara”, ka bërë të ditur Zuka.

“Bardh e kuqët” e Gjilanit të dielën do të ballafaqohen me rivalin lokal Dritën dhe për presidentin Zuka ky derbi do t`i takon skuadrës së tij.

“Ne si skuadër po dëshmojmë vazhdimisht se udhëheqësia e klubit gjerë më tani ka bërë përgatitje profesionale në ndeshjet derbi të zhvilluara në Gjilan, ky profesionalizëm do të ndodh edhe ndaj rivalit lokal, do të jetë gjithçka në suazat e sportit ashtu siç e kërkon rregullorja dhe nga djelmoshat “kuq e bardh” pres angazhim maksimal dhe shpresoj në fitore”, thekson Florim Zuka.

Gjilanit kësaj radhe i takon tribuna qendrore pasiqë është nikoqire e derbit, ndërsa presidenti Zuka ka një porosi për tifozët “Skifterat” e Gjilanit.

“Jo vetëm derbi por edhe futbolli zhvillohet për shikues, ndërsa e dita e diel do të jetë ditë e tifozëve “Skifterave” të cilët priten të jenë në numër rekord duke dëshmuar anim korrekt dhe pa asnjë incident dhe do të dëshmojnë se janë futbollisti i ynë i 12-të./rajonipress/

Shpërndaje.
© RAJONIPRESS