Floriana Imeri pas “The Voice of Germany”, vjen me këngë shqip

Këngëtarja Floriana Imeri i është rikthyer sërish skenës shqiptare. Pas përvojës së saj në talent shoun “ The Voice of Germany 2014”, 22 vjeçarja shqiptare ka lansuar këngën me titull “Më pëlqen” të cilës ia ka realizuar edhe videoklipin.

Kënga e re e Florianës është fryt i bashkëpunimit me Ethnomusic, ku muzikën dhe aranzhimin e ka bërë Burim Krasniqi, tekstin Bica, kurse për videoklipin është kujdesur Music Box.

Siç kishte shkruar edhe vitin e kaluar “albinfo.ch”, Floriana ka jetuar 21 vite në qytetin Metter Enz, ndërsa aktualisht jeton në Bietigheim-Bissingen po ashtu në Gjermani. “Unë edhe si një vajzë e vogël kam kënduar, por me të vërtetë këngës ia fillova në moshën 13-vjeçe”, raporton “albinfo.ch”.

Dy vjet më parë ajo ka regjistruar një album me këngë popullore.
“Muzika në shtëpinë time është shumë e rëndësishme për mua, sepse jam rritur me të”, thotë ajo.
Floriana i pëlqen baladat, ndërsa personi që ka ndikuar që ajo të merret më muzikë thotë të jetë babai i saj./albinfo/