Floriana Garo lajmëron kthimin në ekran!

Rreth dy muaj më parë moderatorja e ëmbël e ekranit, Floriana Garo, u bë nënë për herë të parë e një vajze të quajtur, Adia.

Që nga periudha pas lindjes, Floriana është tërhequr nga rrjetet sociale dhe është shumë pak aktive. Këtë e pranon edhe vetë ajo në një ‘Videolive’ të bërë para pak minutash. Gjithashtu në postimet e rralla vihet re se në fotot me vogëlushen ajo nuk e tregon fytyrën e saj. E pyetur nga fansat lidhur me këtë ajo tregoi se së shpejti do e bëjë publik imazhin e vajzës.

“Një ditë do e bëj publike edhe gocën, por për momentin ajo është shumë e vogël”,- tha Floriana.

Një pyetje që lind shumë natyrshëm, është se kur moderatorja do t’i rikthehet televizionit, madje shumë fansa janë shprehur se ajo i mungon shumë ekranit.

“Do të rikthehem në ekran. Për momentin jam duke bërë një jetë me detyra më ndryshe, më të vlefshme. Por sigurisht që do të rikthehem”,- ka thënë Floriana në fund të bisedës live me fansat e saj në ‘Instagram’. /revistawho.com