Florian Loshaj shënon një supergol, vlerësohet lart në fitoren e Istanbulsporit

Mesfushori kosovar, Florian Loshaj, ka shënuar gol në fitoren me rezultat 2-1 të Istanbulsporit në shtëpi ndaj Hatayspor.

Kjo ndeshje po zhvillohej në kuadër të javës së 13-të në elitën e futbollit turk dhe ishte mjaft e nevojshme për vendasit pasi kishin pesë ndeshje pa fitore.

Po zhvillohej minuta e 26-të e takimit kur Florian Loshaj arriti të shënojë për t’i dhënë avantazhin prej 1-0 ekipit të tij.

Ky njëherësh ishte goli i tij i parë në këtë edicion të ri të garave në Super Ligën Turke.

Florian Loshaj goal vs Hatayspor pic.twitter.com/w6PgxecB8E

— Dardanianfan (@Dardanianfan1) November 25, 2023

Në këtë ndeshje disa minuta pati edhe Valon Ethemi i cili u fut në fushë nga banka rezervë në minutën e 79-të.

Loshaj u vlerësua me notën 7.9 nga SofaScore duke qenë njëri ndër lojtarët me paraqitjen më të mirë në fushë.

Ky është sezoni i dytë i Loshajt në Turqi por në sezonin debutues me fanellën e Istanbulspor nuk arriti të gjejë hapësirat e duhura dhe siç duket sezoni aktual është ai i cili ka bërë që Loshaj të shkëlqejë me paraqitje./Telegrafi/