Florian Loshaj debutoi me sukses te Istanbulspor.
Reprezentuesi i Kosovës u paraqit sot në fitoren kundër Alanyasporit, në kuadër të javës së 23-të në Superligën e Turqisë, shkruan Gazeta Express.
Loshaj la gjurmë që në ndeshjen e parë. Ai hyri si zëvendësues në minutën e 43-të, teksa kontribuoi me asistim në minutën e 77-të tek goli i shënuar nga Emir Gultekin, që në fund doli të jetë goli i fitores.
Vlen të theksohet se mesfushori 26-vjeçar u zyrtarizua te Istanbulspori të shtunën, teksa debutoi suksesshëm vetëm një ditë pas, pra këtë të diel. Ai me klubin turk ka nënshkruar kontratë të vlefshme deri në verën e vitit 2027.
Sa i përket ndeshjes së sotme, vlen të theksohet se edhe në golit tjetër për Istanbulsporin u përfshin shqiptarët tjerë, ishte Valon Ethemi që shënoi në minutën e 67-të me asistimin e Eduard Rrocës
Ndryshe, Istanbulspori ndodhet në pozitën e parafundit (18) me 21 pikë të grumbulluara. /Gazeta Express/
