Florian Kamberi synon ringjalljen në Angli
Florian Kamberi do të luajë në Angli sezonin e ardhshëm.
Sulmuesi i kombëtares shqiptare, i cili ishte i huazuar te Aberdeen në Skoci, e mbylli kampionatin vjet pa asnjë gol.
Ai shënoi vetëm një gol në kupa me skocezët, ndërkohë që tani ka nënshkruar me Sheffield Wednesday, që garon në League One (liga e tretë në Angli).
Kamberi ka kaluar te anglezët në huazim, pasi është ende nën kontratë me zviceranët e St. Gallen.
Synimi i tij është të gjejë golin më shpesh dhe të rritet edhe më shumë si lojtar, aty ku presioni do të jetë më i vogël dhe do t’ia mundësojë të punojë shumë në qetësi.