Florenti fitues i The Voice 3

Këngëtari i ri nga Gjakova, Florenti, është fituesi i edicionit të tretë të spektaklit të talentëve të këndimit, The Voice of Albania 3. Florent Abrashi ka arritur të shpallet zëri më i mirë i shqiptarëve, pas një konkurrence të fortë që pati në natën finale nga Sigi, Bora dhe Krenari.

Ai ishte pjesë gjatë gjithë edicionit në skuadrën e Sidrit Bejlerit, me të cilin edhe e performoi duetin përmbyllës në fund “El Tango del Roxane” nga Mouline Rouge.

E gjithë mbrëmja finale u përcoll nga interpretime ‘live’ dhe emocione të shumta, teksa ishte djaloshi nga Kosova ai që u bë i dyti në historinë e spektalit që arriti të rrëmbejë vendin e parë, pasi më parë këtë e ka bërë edhe Rina Bilurdagu.

“Ndihem tepër i kënaqur. Shumë, shumë faleminderit. Kjo është një ëndërr”, tha Florenti pas triumfit.

Florenti pas këtij triumfi do të ketë rrugën të hapur për të depërtuar në skenën e muzikës shqiptare, pasi do të ketë mundësinë të regjistrojë projekte muzikore me përkrahjen e Top Medias. /Telegrafi/