Florent Muslija shënon gol në fitoren e thellë të Paderbornit

Florent Muslija ka vazhduar me formë fantastike me skuadrën e tij Paderborn.

Mesfushori i Përfaqësueses së Kosovës ka shënuar një tjetër gol, ku Paderborn ka marrë tri pikë të reja në Bundesliga 2.

Paderborn ishte nikoqir i Holstein Kiel dhe ka marrë një fitore të thellë me rezultat 7-2.

Ishte ylli kosovar, Florent Muslija që hapi serinë e golave në minutën e shtatë të ndeshjes, duke realizuar nga penalltia për 1-0.

Muslija qëndroi në fushë 76 minuta, derisa ishte ndër më të mirët në këtë takim.

Për reprezentuesin kosovar ky ishte goli i dytë këtë kampionat në Bundesliga 2, derisa ka edhe një asistim.

Ndërkohë Paderborn pas kësaj fitore zë vendin e parë në tabelë pas pesë xhirove me 12 pikë. /Telegrafi/