Florent Muslija realizon dy gola në humbjen e Paderbornit
RajoniPress
16:04, 22 Janar, 2022
Florent Muslija e ka nisur mjaftë mirë aventurën tek skuadra e tij e re, Paderborn.
Mesfushori nga Kosova pasi debutoi javën e kaluar, këtë javë ka shënuar dy gola për zikaltërtit.
Paderborn është mposhtur nga Werder Bremen me rezultat 3-4 në një ndeshje triller, ku përveç shtatë golave të shënuar, edhe dy të tjerë u anuluan.
Golin e parë Muslija e realizoi në minutën e 15-të, kur shënoi nga pika e bardhë për 1-0.
? Hier geht es zum Spielbericht nach der Partie gegen @werderbremen. | https://t.co/IT5L6oxAk9 | #SCPSVW #SCP07 pic.twitter.com/Lbtud6WXPm
— SC Paderborn 07 (@SCPaderborn07) January 22, 2022
Ndërkohë për golin e dytë, ylli kosovar u përkujdes në minutën e 38-të, me një goditje fantastike.
Përkundër ndeshjes fantastike që zhvilloi Muslija, Paderborn u mposhtë 3-4 në shtëpi nga Werder Bremen.
Pas 20 ndeshjeve në Bundesliga 2, Paderborn zë vendin e nëntë në tabelë me 30 pikë, derisa Werder ndodhet e treta me 35 pikë. /Telegrafi/
