Florent Hasani bombardon portën kundërshtare me një supergol
RajoniPress
07:32, 5 Maj, 2019
Kosovari Florent Hasani e shënoi një supergol për ta zhbllokuar rezultatin në ndeshjen mes Diosgyorit dhe Vidit.
Mesfushori 22-vjeçar Florent Hasani i la të mahnitur tifozët në stadiumin “DVTK”, ku pas vetëm gjashtë minutave lojë e shënoi një gol të mrekullueshëm nga largësia për ta dërguar skuadrën e tij në epërsi 1:0, raporton Gazeta Express.
Skuadra e Hasanit, që rrezikon të bie nga liga e Hungarisë këtë sezon, arriti ta fitojë këtë ndeshje kundër Mol Vidit, që radhitet në pozitën e dytë, me rezultat 2:1. Fillimisht rezultati u barazua përmes golit të Stopiras, por pastaj David Markvart e ktheu epërsinë për vendasit.
Në 30 ndeshjet e zhvilluara këtë sezon, Hasani ka arritur t’i shënojë shtatë gola për Diosgyrorin dhe i ka asistuar dy të tjera.
22-vjeçari i kishte bërë shtatë paraqitje për ekipin kombëtar të Kosovës U-21, ndërsa ende nuk ka debutuar për ekipin e parë. /Gazeta Express/
