Florent Hadërgjonaj zgjedh Kosovën?

Ardhja e Hadergjonaj, do të ishte ndër prurjet më të rëndësishme, pas problemeve që Përfaqësuesja e Kosovës ka në mbrojtje.

Emra të rinj dhe të mëdhenj do t’i bashkohen Përfaqësueses së Kosovës për ndeshjet kualifikuese të marsit.

Pasi Besart Berisha sot gjatë ditës pranoi se do të jetë për ndeshjen me Islandën, Përfaqësuesja e Kosovës do të përforcohet edhe me tre emra të rinj.

Sipas asaj që raporton ‘Fansat e Futbollit Kosovar’ në Facebook, trajneri Albert Bunjaki gjatë një interviste të dhënë së fundi ka deklaruar se janë duke i kompletuar dokumentacionet edhe për tre lojtarë. Bëhet fjalë për Florent Hadergjonaj, Atdhe Nuhiu dhe Donis Avdijaj.

Për këtë dy të fundit, tashmë gjithçka ishte e qartë, ndërsa ardhja e Hadergjonaj, do të ishte ndër prurjet më të rëndësishme, pas problemeve që Përfaqësuesja e Kosovës ka në mbrojtje.

Hadërgjonaj po paraqitet me shumë sukses në Bundesligë te Inglostadt, ndërsa deri më tani ka qenë pjesë e grupmoshave të Zvicrës.

Kujtojmë se Hadërgjonaj me shumë dashuri ka uruar vendlindjen e tij Kosovën në nëntë vjetorin e pavarësisë./Lajmi.net/