Flet Pacolli pas rizgjedhjes në krye të AKR-së

Behgjet Pacolli, lideri i Aleancës Kosova e Re është rizgjedhur edhe një herë në këtë post. Pas marrjes së detyrës ai ka folur rreth zhvillimit të këtij procesi.

Më poshtë është shkrimi i plotë i tij:

Miqtë e mi, nga sot jam edhe de jure në krye të AKR… në ushtrimin e parë të demokracisë direkte partiake në historinë e Kosovës së lirë.

Me mbi 49 000 vota, sot nga anëtarët e AKR dhe votuesit e saj, u zgjodha përsëri President i AKR-së. ishte një lloj sprovë elektorale: votim elektronik, por dhe fizik: njerëzve ju desh me prit në radhë për të votuar.

Ju falënderoj shumë për përkrahjen tuaj, dhe për angazhimin masovik, në zgjedhjen e kryetarit të ri të AKR-së. Ju jeni arsyeja, pse unë nuk do të ndalem kurrë! Jam gjithmonë me ju!

Zoti ju bekoftë!/express/