Flet avokati i kërcënuar: Nuk dorëzohem para asnjë kërcënimi

Gjilan – Avokati Halit Azemi i cili u kërcënua nga një qytetar i Vitisë thotë se nuk e ka ndërmend të dorëzohet para kësaj kategorie të ulët. Mua vetëm po më brengos veprimi i tyre dhe guximi për të sharë e kërcënuar nëpërmjet telefonit. Rastin do ta qoj deri në fund thotë ai.

Avokati Halit Azemi ishte kërcënuar nëpërmjet telefonit me vdekje nga Xh.S. nga Verbani i Vitisë i cili kishte marrë guximin që ta kërcënojë edhe me vdekje. Reagimi i policisë ishte i shpejt dhe i dyshuari shpejt ishte arrestuar.

Avokati Halit Azemi thotë se profesioni i avokatit është i vështirë sepse ke të bëjshë me lloj – lloj kategorie të njerëzve.”Unë askujt borxh nuk i kam dhe nuk brengosem për këtë kategori të njerëzve që mundohen përmes kërcënimeve të kryejnë punë të ndyra. Ajo që më shqetëson është fakti se këta njerëz i zgjedhin metodat e ulëta, thirrje anonime dhe natën. Fatmirësisht e hetova dhe e zbulova se kush ishte personi që po më kërcënonte me vdekje” shpjegon Azemi.

Azemi thotë se i dyshuari madje ka edhe vepra penale tjera që tregon se ai ka një Dosje kriminale.”Të gjithë ata që mendojnë se mund të kërcënojnë avokatët apo këdo tjetër e kanë shumë gabim sepse ne jemi me një profesion që donë kohë e durim. Jam krenar për punën time që e kryej me nder dhe përkushtim dhe madje ka shumë raste që i kam mbrojtur pa asnjë kompensim material luftëtarët e UÇK-së dhe i kam ndihmuar ata në të gjitha proceset gjyqësore” shtoj Azemi.

Ndryshe për kërcënimin ndaj avokatit Azemi ka reaguar edhe Oda e Avokatëve të Anamoravës./rajonipress/