Flet Afrim Cana: S`i e gjeta gjendjen në Spitalin e Gjilanit, pse ka pasur komunikim të mangët dhe cili është koncepti im

Gjilan – dr. Afrim Cana është ushtrues detyre i drejtorit në Spitalin e Gjilanit. Si një kuadër me vlera profesionale Cana, po tregohet aktiv dhe komunikues me të gjithë, për dallim nga drejtoria e kaluar që ishin të mbyllur totalisht. Cana thotë se e gjeti spitalin e Gjilanit me asnjë aktivitet të prokurimit, me komunikim të mangët në shërbime ndërsa insiston më shumë kompetencë profesionale.

Afrim Cana për rajonipress tha se Spitalin e Gjilanit e gjeta deri në fund të muajit prill të këtij viti me asnjë aktivitet prokurimi, të gjitha kërkesat edhe pse me arsyeshmërinë e tyre janë refuzuar, duke shkaktuar vonesa te paarsyeshme edhe pse kanë qenë të planifikuara në buxhet.

“Komunikim i mangët e në shërbime të caktuara fare komunikim, në shume pyetje të miat mungonin përgjigjet për faktin që personat kompetent nuk kanë pasur qasjen e duhur. Një përzgjedhje dhe delegim i përgjegjësive me mungesë kompetence profesionale” tha Cana.
Fut
Po cili është koncepti i Afrim Canës për ta tejkaluar këtë krizë në Spitalin e Gjilanit.

“Koncepti im është insistimi në kompetencë profesionale me qëllim të ngritjes së cilësisë së shërbimeve, planifikim dhe shfrytëzim racional të barnave dhe materialit tjetër harxhues nga lista esenciale, identifikimi i nevojave për zëvendësim adekuat të kuadrove profesionale në mënyrë që shërbimet, të mos mbesin pa kuadro pas pensionimit të atyre që janë afër pensionit, planifikim më i mirë duke llogaritur koston buxhetore të kujdestarive, në raport me kapacitetin e shfrytëzueshmërisë së shërbimeve, rishikimi i kontratave ekzistuese me kuadrot që aktualisht mbajnë kujdestari në disa shërbime të spitalit, duke vlerësuar në mënyrë profesionale nevojat e këtyre shërbimeve, identifikimi i nevojave reale për ndërhyrje në infrastrukturën e objekteve ku është më e nevojshme, krijimi i mundësive reale për trajnime profesionale të stafit mjekësorë, infermieror dhe në administratë, përkushtimi në respektimin e afateve të parapara në arritjen e mundësive për fillimin e implementimit të projektit nga Lux Dev (qeveria Luksemburgut ka ndarë një donacion jashtëzakonisht të rëndësishëm në ndërtimin dhe ngritjen e kapaciteteve në Spitalin e Përgjithshëm të Gjilanit), dhe në fund ajo që mendoj se është poashtu e rëndësishme është mekanizmi i kontrollit adekuat dhe permanent në respektimin dhe zbatimin e normave më të larta që burojnë nga të gjitha nivelet profesionale” tha Cana./rajonipress/