Fle në frigorifer që ta ngadalësojë plakjen

E mirënjohura Donatella Versace deklaroi se secilën mbrëmje fle në frigorifer, që të duket më e re. Disenjatorja e famshme e pranoi se përdor botoksin për “shtrëngimin” e fytyrës, largimin e rrudhave, por tha se pjesa tjetër e trupit të saj është plotësisht natyrale.

“Është e vërtetë që kam përdorur botoks, por vetëm për fytyrë dhe jo edhe për trup. A nuk keni dëgjuar për sekretin e pamjes sime ‘rinore’? Fle në frigorifer çdo mbrëmje”, deklaroi 57-vjeçarja Donatella Versace për “Daily Telegraph”.

Ajo tha se shpesh shkon edhe në sallone të bukurisë për tretmane të ndryshme të cilat i bën që të duket më e re. “Jam vizitore e rregullt e salloneve të bukurisë, dhe kjo vetëm për një arsye që të dukem më e re dhe njëherësh t’i ‘fsheh’ të gjitha shenjat e pleqërisë”, tha Versace.