Flas me ty në heshtje
Poezi nga Bilall Maliqi
Flas me ty në mes heshtjes
Kthyer kah portreti i varur në murin e dhembjes
Asnjë zë s’dëgjohet
Si të jetë futur në xingonën e errët të harresës
Veç kujtesa më mban lidhur me ty
Si me zinxhir të dryshkur nga stinët e serta
Heshtja iu ngjit kraheqafë memecërisë
Si një foshnje e vockël krahut të nënës së lodhur
Prapë flas e s’ndalem dot
Derisa zëri të përbirohet vrimave të zëna nga llum i kohës
(14.09.2019)