Flamurtari fiton tri pikë të arta

Gjilan – Në javën e parafundit të Superligës së Kosovës në futboll, kampioni aktual Drita në stadiumin e saj ka pësuar humbje ndaj Flamurtarit të Prishtinës me rezultat 1-2.

Me këtë fitore skuadra e Flamurtarit ka shtuar gjasat që edhe në vitin e ardhshëm të bëj gara në Superligë.

Futbollistët e Dritës në këtë përballje u paraqitë me formacion të dytë ku trajneri Ardijan Nuhiu ka testuar disa futbollist të rinjë duke parë formën e tyre.

Futbollistët e Dritës ishin më të mirë në pjesën e parë duke e detyruar portierin mysafirë Flamur Nezirin në situata të vështira.

Në minutën e 21-të, Denis Haliti nga 25 metra harkon e më së miri gjendet Klajdi Burba i cili nuk e patë vështirë nga 6-7 metra ta gjenë rrjetën e Flamur Nezirit të Flamurtarit.

Mysafirët me gjithë forcën në pjesën e dytë janë vërsulur drejt portës së Dritës.

Florim Bërbatoci dy herë i vetmuar dështon pranë portierit të ri të Dritës, Dorart Ramadani.

“Kuq e zinjët” e Flamurtarit, dy herë godasin pingulen e Ramadanit të Dritës së pari Bërbatovci e pastaj edhe Agron Bruqi.

Në minutën e 60, me goditje të saktë Shend Kelmendi nga 15 metra gjen këndin e Ramadanit për të barazuar 1-1.

Në minutën e 65, nga goditja e këndit më së miri gjendet Agrun Bruqi i cili me kokë shënon, duke i siguruar tri pikë të arta skuadrës së tij për mbijetesë.

Në javën e fundit Drita është mysafire e Ballkanit të Suharekës, ndërsa Flamurtari në shtëpi pret Llapin./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).