Flamurtari dërgon Gjilanin në pozitën e barazhit

Derbi i skuadrave të cilat po kërkojnë t`i ikin barazhit, i ka takuar skuadrës nga Prishtina, Flamurtarit, e cila e ka mposhtur Gjilanin në stadiumin e qytetit në Gjilan me rezultat 0-1.

Në një ndeshje e cila vendoste fatin e dy skuadrave, gjyqtari i ndeshjes së sotme Kreshnik Vula ishte akteri më i dobët i ndeshjes, ai për 90 minuta nuk referoi tri penalti të pastërta për Gjilanasit, e cila ndikoi me të madhe në rezultatin përfundimtar të ndeshjes.

Vula përpos që nuk referoi tri penalti, ai lejoi që ndeshja të zvarritet nga futbollistët e Flamurtarit duke stimuluar lëndimet e tyre por edhe në disa raste sinjalizoi pozita jashtë lojës të paqena në dëm të “bardh e kuqëve” të Gjilanit.

Në minutën e parë, futbollisti Fiton Hajdari pengohet në zonë nga mbrojtësi i Flamurtarit, Granchov, por Vula lejon që ndeshja të zhvillohet.

Në minutën e 8-të, sulmuesi Ansi Nuka gjuan brenda zonës me dorë luan Dumani i Flamurtarit edhe këtu gjyqtari Vula hesht.

Penalti e pastër ishte edhe në minutën e 53-të, Ansi Nika depërton nga e majta gjuan por me dorë luan mbrojtësi Arbnor Zeqiri por edhe në këtë rast gjyqtari Kreshnik Vula hesht.

Mysafirët të vetmin rast në ndeshje e shndërrojnë në gol në minutën e 62-të, Shend Kelmendi i vetmuar nga 6-7 metra gjuan furishëm duke gjetur këndin e epërm të portierit të Gjilanit, Haxhihamza.

Me këtë humbje skuadra e Gjilanit tri javë para përfundimit të kampionatit ka vështirësuar edhe më shumë gjendjen e saj në tabelën e klasifikimit.

Trajneri i Gjilanit Gentian Mezani pas ndeshjes nuk është deklaruar për media.

Ndërsa homologu i tij, Arsim Thaqi, ka deklaruar.
“Fitore e madhe e skuadrës time në këto momente të vështira, skuadrat që do të shkojnë në barazh nuk do të dihen deri në ndeshjen e fundit”.

Në javën e 31-të, Gjilanin e pret udhëtim i vështirë në Suharekë ku do të takohet me Ballkanin./rajonipress/