Flaka Krelani së shpejti sjell “Slay”

Ajo ka qenë mjaft aktive në rrjetet sociale duke sjell imazhe, video dhe mesazhe domethënëse.

Bëhet fjalë për Flaka Krelanin, e cila duket se ka vendosur që të vijë me një projekt të ri muzikor para fansave.

Kështu së paku ka bërë të ditur gjakovarja përmes llogarisë personale në Instagram, ku ka dhënë edhe disa detaje rreth saj.

“Slay”, do të titullohet kënga e re, të cilën do ta shoqërojë me një videon, një pjesë të së cilës tashmë e ka publikuar.

Theksojmë se kënga është krijuar nga XhimiOndeBeat ndërsa xhirimet i ka bërë video kompania “Infilms”.

Ndryshe, Flaka ka paralajmëruar se do të mbajë edhe disa koncerte gjatë verës anembanë trojeve shqiptare dhe në diasporë. /Telegrafi/