Flaka Jahaj, kreatorja e sukseshme në Zvicër

Flaka Jahaj është ndër të paktat vajza shqiptare që ka përfunduar studimet master për dizajn të modës. Puna e saj disa vjeçare është shpërblyer edhe me çmime të ndryshme në Zvicër dhe Francë.

E ka pasur ëndërr të bëhet kreatore. Këtë edhe e ka arrit. Flaka Jahaj është ndër të paktat shqiptare në Zvicër e cila ka përfunduar studimet mastër për dizajn të modës. Në moshën 8 vjeçare, vajza nga Prishtina shpërngulet së bashku më motrën dhe nënën e saj për të jetuar në Graubünden. Pas përfundimit të maturës në Cyrih, ajo zgjedh për ta studiuar Historinë e Artit. Një vit më vonë zhvendoset në Paris për të vazhduar studimet për dizajnë të modës. “Në Paris e plotësova ëndrrën time”, thotë Flaka për “albinfo.ch”.

Inspirim i ka veshjet e kulturës shqiptare

Dëshira për të u marr më dizajnë të modës, duket se nuk i ka lindur rastësisht. Ajo e ka ngapak edhe trashëgimi familjare: “ Dizajnin e kam dashur që kur isha fëmijë, ndoshta e kam edhe trashëguar nga nëna ime. Që nga koha kur jetonim në Prishtinë, ajo të gjitha veshjet i dizajnonte vet. Edhe tash është shumë e interesuar rreth modës. Po ashtu edhe motra ime më e madhe ka përfunduar master në Artin e bukur në Cyrih e cila gjithashtu më ka udhëzuar që të mirrem më dizajnë”, shprehet 32 vjeçarja.

Stili i dizajneve të saj është krejtësisht ndryshe nga ato që jemi mësuar të shohim, por Flaka thotë se insperimin për kreacione e gjënë pikërisht te veshjet dhe kultura shqiptare.

“Kultura shqiptare ka qenë një insperim i madh për mua, nga veshjet folklorike të gjysheve tona e deri të punimet e dorës kanë qenë të shkëlqyeshme. Duke e krahasuar kulturën artizanate shqiptare me kulturat tjera Evropiane, kam vrenjtë detaje të veçanta të kulturës sonë të cilat nuk i ka asnjë kulturë në botë . Prandaj kam vendos që kulturën tonë ta avansoj dhe ta plasoj në kuptim modern të modes”, tregon Flaka e cila për dy vjet ka qenë asistente e dizajnerit Rick Owensit në Paris ku më preferencën e tij ka shkuar në Angli për të përfunduar magjistraturën për dizajnë të modës.

Fituese e çmimit “Swiss Design Awards 2014”

Puna e palodhshme e saj dhe sukseset e arritura kanë bërë që Flaka të shpërblehet edhe më çmime të shumta nëpër Evropë. Ajo ka fituar çmimin e parë në një konkurrim në shkollën “Atelier Chardon Savard” dhe “Studio Bercot” në Paris. Ka bashkëpunuar me “Some/Things Magazine” me një koleksion punë dore për një set fotografish në Seoul me dizajnët e Songzios. Përvojë e jashtëzakonshme profesionale me Rick Owens në Paris, finaliste e Mercedes Benz Fashion Days Zurich, në Annabelle Award 2012 si dhe suksesi më i madh ishte vitin e kaluar ku ishte njëra nga fitueset e çmimit “Swiss Design Awards 2014”. “Ka qenë për mua nder i madh që të fitoj ndoshta si e para shqiptare këtë çmim në Zvicër, kur dihet se arti dhe dizajni në Zvicër është i veçantë dhe kanë kritere të shumta” pohon Flaka për “albinfo.ch”

Dizajnerët të cilët ajo i ka si model janë: Rick Owens, Raf Simons, Rei Kawakubo, Martin Margjela, ndërsa në dëshirat e saj për të ardhmën, është që të këtë bashkupinim me një shqiptare. “Janë disa emra më të cilët kisha pas dëshirë të bashkëpunoj, por sigurisht që në mesin e tyre është Rita Ora. Ajo është një imazh i gjithë shqiptarëve në botë”.

Flaka është duke punuar rreth një koleksioni të ri i cili do të prezantohet në qershor në një galeri në Cyrih si dhe do ta prezantoj edhe në galerinë e motrës “iahai” në Prishtinë./albinfo/

Më shumë infromacione: http://iahai.international/flaka/

Arben Gjinaj