Flaka Goranci, thjesht e magjishme!

Mezzosoprani i ngrohtë i këngëtares nga Kosova Flaka Goranci e perfeksionon përjetimin e papritur tingullor. Ajo e bën poezinë e madhe që të depërtojë përtej çdo barriere.

Thjesht, mrekulli. “Albanian Flowers” siç titullohet albumi i Flaka Gorancit, i zhyt dëgjuesit e tij në një botë të pabesueshme tingujsh dhe butësie të “Terra incognita-s” së Ballkanit, Shqipërisë dhe Kosovës. Lule poetike muzikore që rrëfejnë për malet, për grykat, brigjet, urat e vjetra, lulekëmbanat dhe betimet e dashurisë, për miqësitë dhe dasmat, shkruan Wiener Zeitung dhe transmeton albinfo.ch shkrimin për albumin e këngëtares shqiptare nga Kosova te cilin e ka promovuar gjatë majit në Vjenë.

“Bashkë më ansamblin “Dielli” do ta fillojmë nje turne më 16 tetor në Tiranë, për të vazhduar më 6 nëntor në Prishtinë, më 7 nëntor në Gjakovë si dhe më 6 dhjetor në Cyrih, është shprehur Goranci për albinfo.ch tek ka folur rreth turneut të saj për promovimin e albumit “Albanian Flowers”.

Mezzosoprani i ngrohtë i këngëtares nga Kosova, Flaka Goranci, e perfeksionon përjetimin e papritur tingullor. Ajo e bën poezinë e madhe që të depërtojë përtej çdo barriere dhe përmes këngës popullore të përpunuar në këngë artistike popullore ajo na ofron një pamje në artin e atdheut të saj, shkruan më tutje Wiener Zeitung.

Në orkestrimin e realizuar nga Kushtrim Gashi me piano (Mennan Bërveniku), violinë (Adela Frasineanu) dhe violonçel (Edison Pashko) bëhet e qartë se sa rëndësi kulturore-historike ka ajo (muzika) për historinë e kësaj pjese të Evropës. E magjishme./albinfo/