Fitore e vështirë e Dritës pas pandemisë Covid-19

Gjilan – Futbollistët e Dritës kanë zhvilluar ndeshjen e parë pas plot tre muajsh pas ndërprerje së kampionatit për shkak pandemisë COVID -19.

Në një ndeshje mesatare “bardhekaltërtit” me golin e shënuar në minutën e 26-të, kanë arritur ti arkëtojnë tri pik tejet të vlefshme për kreun e tabelës.

Në pjesën e parë rastin e vetëm për shënim futbollistët e Dritës e konkretizojnë me gol, Xhevdet Shabani pas një ndërprerje nga 30 metra harkon gjen
Astrit Fazliun i cili me kokë mposht portierin Nika të Flamurtarit.

Gjerë në fund të 90 minutave të dy skuadrat nuk arritën seriozisht të atakojnë portat kundërshtare, ndërsa futbollistët e Dritës me mençuri arritën ta menaxhojnë këtë ballafaqim mjaft të vështirë.

Tek dy skuadrat gjatë tërë ndeshjes u vërejt lodhje fizike.

Trajneri i Flamurtarit, Sunaj Keqi, pas ndeshjes ka theksuar.
“Nuk pati tempo të lojës, më tepër i përngjante një ballafaqimi miqësor. Drita ishte më e mirë se ne, ne do të bëjm përpjekje që në ndeshjet e ardhshme t’ju kthehemi fitoreve”.

Trajneri i Dritës, Ardian Nuhiu, pas 90 minutave ka deklaruar.
“E patëm ndeshjen nën kontroll, arritëm të shënojm një fitore që sjell tri pikë, jam i kënaqur me angazhimin e futbollistëve, gjatë ditve të ardhshme do të përmirësohemi edhe më shumë”.

Në javën e 24-të, skuadra e Dritës do të udhëtoj në Mitrovicë ku do te ballafaqohet me Trepcën’89./rajonipress/