Fitojnë Reims i Zenelit dhe Cleremont i Rashanit – barazon Lille e Zhegrovës

Skuadra e Arbër Zenelit, Reims ka arritur fitore prej 0-1 në udhëtim kundër AC Ajaccio derisa fitore ka arritur edhe Clermont Foot ku luan Elbasan Rashani duke e mposhtur Stade de Rennes. Lille e Edon Zhegrovës në anën tjetër nuk arriti që të fitojë kundër Brest duke barazuar me rezultat 0-0.

Reims e Arbër Zenelit ka arritur që të marrë një fitore të rëndësishëm kundër skuadrës AC Ajaccio. Goli i vetëm në këtë ndeshje u shënua në minutën e tretë të ndeshjes dhe atë e shënoi Munetesi.

Arbër Zeneli ishte titullar në këtë ndeshje dhe luajti deri në minutën e 59-të të ndeshjes ku u zëvendësua nga van Bergen.

Reims me këtë fitore është në vendin e 10-të në Ligue 1 me 24 pikë kurse në pesë ndeshjet e saj të fundit ka grumbulluar 3 fitore dhe dy barazime.

Elbasan Rashani po ashtu ishte titullar në fitoren e skuadrës së tij Clerement Foot kundër Stade de Rennes, të cilën e mposhti me rezultat 2-1. Kosovari luajti në këtë ndeshje 90 minuta.

Kyei (31’) dhe Gastien (90+4’) shënuan për Clermont derisa për Rennes shënoi Kalimuendo (74’).

Rennes në këtë ndeshje mori dy kartona të kuq, me Bourigeaud që u ndëshkua në minutën e 77-të dhe Omarin që mori karton direkt të kuq në minutën e 83-të.

Kjo fitore lënë në vendin e 9-të Clermont Foot derisa ata arrin fitoren e dytë radhazi pas tri humbjeve që patën para këtyre dy ndeshjeve.

Kurse skuadra ku luan Edon Zhegrova ka barazuar me rezultat 0-0 si mysafirë të skuadrës Brest. Zhegrova nuk luajti asnjë minutën në këtë ndeshje edhe pse ishte në bankë rezervë.

Ky barazim zbret Lille në pozitën e shtatë në Ligue 1 gjashtë më pak se Marseille që është në vendin e tretë, pozitë kjo që dërgon në Ligën e Kampionëve nga Franca. /GazetaExpress/