“Fitili” i Kosovës

Shteti i Kosovës është i pafuqishëm që të marrë vendim për asetin me të vlefshëm të saj, gjigantin metalurgjik “Trepça”. Beogradi është ai i cili ka diktuar procesin përmes kryeministrit serb, Aleksandar Vuçiq, direkt në zmbrapsjen e Qeverisë së Kosovës, duke e detyruar që ta largojë edhe nga rendi i ditës shqyrtimin e pronësisë së “Trepçës”.

Të hënën ka qenë e planifikuar që Kuvendi i Kosovës të miratojë ligjin përmes së cilit “Trepça” do të kalonte në duart e Qeverisë si ndërmarrje publike.

Mjaftoi një reagim i Vuçiqit, për të mobilizuar përfaqësuesit ndërkombëtarë që të shtrijnë presionin mbi ekzekutivin e Kosovës./zeri/