Fisnik Asllani rikthehet nga lëndimi, luan 10 minuta me Austria Vienna

Futbollisti i Kombëtares së Kosovës, Fisnik Asllani është rikthyer nga lëndimi dhe luajti pak minuta në humbjen e Austria Vienna 1:0 ndaj Tirolit në Bundesliga të Austrisë.

Asllani u inkuadura në lojë në minutën e 81’të, duke e zëvendësuar Holland dhe vetëm pas gjashtë minutave skuadra vendase shënoi golin e fitores, shkruan Indeksonline

Sulmuesi “Dardan” s’kishte luajtur futboll qysh nga fillimi i muajt janar të këtij viti për shkak të një lëndimi.

I huazuar nga Hoffenheim, Asllani në Bundesliga ka zhvilluar 12 ndeshje dha ka shënuar tri gola.

Ai pritet që në fund të këtij sezoni të rikthehet te klubi gjerman, ku ka kontratë deri në vitin 2026.

Kujtojmë që Asllani së fundmi është bërë pjesë e Kosovës, por mungoi në ndeshjet miqësore të muajit mars për shkak të lëndimit. Ai pritet të jetë në listën e Franco Fodas në ndeshjet e Nations League që nisin nga muaji shtator./Indeksonline/