Fiqtë e tharë ndihmojnë kundër anemisë

A e keni ditur se katër fiq të tharë sigurojnë madje një të katërtën e sasisë së rekomanduar ditore të hekurit, i cili është i nevojshëm për organizmin tonë?

Për ta arritur efektin maksimal, fiqtë i hani me komposto ose me lëng të freskët sapo të shtrydhur të portokallit që është i pasur me vitaminë C, sepse e përmirëson absorbimin e hekurit.

Fiqtë e tharë janë të pasur edhe me minerale. Përveç hekurit, fiqtë kanë bakër, zink, selen, mangan, kalcium dhe kalium.

Fiqtë përmbajnë edhe acide yndyrore Omega-3 dhe Omega-6, si dhe fitosterole, që mund të ndikojnë në reduktimin e nivelit të kolesterolit në gjak.