Finlanda fton Hetemajn, “harron” Sadikun

Përparim Hetemaj është në mesin e futbollistëve të kombëtares së Finlandës të ftuar për ndeshjen kualifikuese të EURO 2016 që luhet më 14 nëntor me Hungarinë. Mesfushori nga Skenderaj i Chievo Veronës është ndër lojtarët më standard të ftuar nga përzgjedhësi finlandez, Mixu Paatelainen.
Është interesante se në këtë grumbullim nuk është ftuar sulmuesi shqiptar i FC Thun në Zvicër, Berat Sadik i cili aktualisht është lider i golashënuesve. Ai ka tetë gola në elitën e futbollit zviceran.
Ndryshe, Hetemaj tash e disa vite është ndër futbollistët më stabil te Chievo, kryesia e të cilit klub e ka ndalur përkundër shumë ofertave.
Vëllai i Përparimit, Mehmeti ka një ndeshje me Kosovën, ku debutoi në humbjen 6:1 ndaj Turqisë. Ai luan në Ligat e ulëta të Italisë.