Fillon turniri tradicional “Rogana 2015”

Kamenicë – Kryetari i Komunës Begzad Sinani ka pritur në takim njërin ndër organizatoret e parë të turnirit tradicional “Rogana” z.Jeton Kryeziu, i cili e njoftoi kryetarin rreth organizimit të turnirit tradicional në Roganë.

Gjatë këtij viti turniri tradicional “Rogana 2015” do të organizohet për nder të 16 vjetorit të rënies së dëshmorëve të Roganës “Selver & Emin Kryeziu”.

Organizatorët njoftuan se turniri në Roganë ka marrë përmasa aq të mëdha sa që këtë vit interesimi është nga gjitha pjesët e Kosovës nga Shkupi e Lugina e Preshevës.

Njëherit organizatorët falënderuan kryetarin për ndihmën që me vite të tera ka ndihmuar rreth organizimit të këtij turniri.

Në shenjë respekti ta edhe i ndanë mirënjohje Sinanit për mbështetjen që po i bënë sportistëve të komunës së Kamenicës e në veçanti turnirit tradicional “Rogana”.

Sinani i falënderoi organizatorët për organizimin dhe spektaklin, emocionet që po i sjellin qytetarëve e sidomos mërgimtarëve për gjatë një muaji të tërë dhe njëheri ju premtojë përkrahje institucionale të vazhdueshme për organizimet të tilla që po i sjellin vendit./rajonipress/