Fillojnë punimet për ndërtimin e Bulevardit të qytetit të Kamenicës

Kamenicë – Sot kanë filluar punimet për ndërtimin e Bulevardit të qytetit të Kamenicës.

Kryetari i Komunës së Kamenicës, Qëndron Kastrati së bashku me zyrtarë nga Drejtoria e Urbanizmit, përfaqësues nga Zyra për Investime dhe Mbështetje të Bizneseve , përfaqësues nga kompania projektuese “Globi – M.I. SH.P.K.; ARBOR GROUP” si dhe akterë të tjerë, kanë ndjekur nga afër fillimin e punëve për ndërtimin e bulevardit.

I pari i komunës Qëndron Kastrati, tha se është shumë i lumtur që sot po fillon të realizohet ky projekt madhor për ndërtimin e Bulevardit të qytetit.

“Tejet i lumtur që sot nisëm punimet për ndërtimin e Bulevardit të qytetit. Ky projekt madhor për Kamenicën, po jetësohet në segmentin kryesor rrugor që ndodhet mes drunjëve të lartë e plot gjelbërim, e që bulevardit do ia shtojnë edhe më shumë bukurinë. Me ndërtimin e bulevardit, Kamenica do të marrë një pamje të mrekullueshme. Ju qoftë përhajër e vazhdojmë tutje”, tha Kastrati.

Ndryshe nga sot rruga “Skënderbeu”, mbyllet për qarkullim të automjeteve (duke filluar nga hyrja e shkollës “Fan Noli” deri tek udhëkryqi që shkon tek Policia). Qarkullimi i automjeteve gjatë kësaj periudhe do të bëhet përmes dy rrugëve alternative, ku dhe do të vendosen sinjalizuesit përkatës.

Projekti për ndërtimin e bulevardit është projekt dy vjeçar dhe është financuar nga Ministria e Infrastrukturës dhe Transportit.

Ndërsa punimet për Bulevard do të realizohen nga grupi operatorëve ekonomik Globi – M.I. SH.P.K.; ARBOR GROUP.
Rri në shtëpi!

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).