Fillojnë punimet në rregullimin e rrugës alternative të Stubllës së Epërme

Viti – Kryetari i Komunës së Vitisë, Sokol Haliti, ka marrë pjesë në përurimin e fillimit të punimeve për realizimin e projektit infrastrukturor me emrin “Rruga alternative Stublles së Epërme”.

Me këtë rast Haliti, para të pranishmeve ka folur mbi rëndësinë që ka kjo rrugë për komunën e Vitisë, ai ndër tjerash potencoi se kjo komunë në bashkëpunim me partneret e saj mbetet e përkushtuar që në gjithë territorin e Komunës së Vitisë, të realizohen projekte me rëndësi për qytetarët dhe të krijohen korridore të rëndësishme që lidhin lokalitet mes vete.

Ndërkaq një fjalë rasti ka mbajtur edhe Marjan Ramaj, Kryetar i fshatit të Stubëll e Epërme, i cili falënderoj të gjithë ata që kanë mundësuar që të fillojnë punimet në rregullimin e kësaj rruge e cila është me rendësi jo vetëm për fshatin Stubëll të Epërme por edhe fshatrat për rreth.

Përndryshe banorët e këtij lokaliteti u shprehën të kënaqur me fillimin e këtyre punimeve dhe shpresojnë që ky projekt të përfundoj sa më parë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).