Filloj procesi i Korrje-Shirjeve, Haliti dhe Ademi vizituan fermerët

Viti – Kryetari i Komunës së Vitisë, Sokol Haliti dhe Veton Ademi, Drejtor për Bujqësi, Pylltari dhe Zhvillim Rural kanë vizituar fermer vitias në fshatin Gjylekar të cilët kanë filluar korrjen e grurit.

Me këtë rast ata u njohën mbi procesin e Korrje-Shirjeve në Komunën e Vitisë. “Jam sot këtu se bashku me drejtorin Ademi por edhe me përfaqësues të tjerë të drejtorisë për bujqësi për të parë nga afër procesin e korrje-shirjeve që ka filluar në komunën tonë. Uroj që mundi i bujqve të ju shpërblehet me rendimente të kënaqshme. Ne si institucione po bëjmë çmos në përkrahjen e sektorit të bujqësisë por edhe në hapjen dhe pastrimin e lumenjve e përroskave me qëllim që kulturat bujqësore të mos dëmtohen gjatë reshjeve të mëdha”, u shpreh ndër tjerash Haliti.

Drejtori Ademi bëri me dije se në bazë të dhënave të cilat i posedon kjo drejtori në komunën e Vitisë gjatë këtij viti janë mbi 5 mijë hektarë grurë të mbjellura. Ademi shtoj se për shkak të kushteve atmosferike rendimentet e grurit janë më të pakët./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).