Filloi faza e re e implementimit të Hidrosistemit Kikë – Kremenatë

Kamenicë – Realizimi i Projektit më ta madh që ka pasur Kamenica ndonjëherë Hidrosistemit Kikë – Kremenatë, pas nënshkrimit të kontratës nga MMPH, tashmë ka hyrë në një fazë të re ka thënë Fatmir Matoshi.

Kjo periudhë zgjatë katër muaj dhe shërben për të na dhënë informacionet e duhura mbi lartësinë dhe madhësinë e digës si dhe projektin në tërësi i cili ka vlerë mbi 50 milion euro.

Konkretisht sot ka filluar:
– Revidimi i projektit të hartuar në vitin 1982
– Hartimi i raportit të Vlerësimit të ndikimit Mjedisor dhe Social

Ministria e Mjedisit ka ndarë një fond prej 800 mijë eurosh për këtë fazë. Koordinatori i grupit punues Nazmi Krasniqi, ishte sot në teren për të filluar punën bashkë me këshilltarin Valon Maliqi, kryesuesin e grupit punues Shiqeri Dërmaku, zyrtarë të tjerë të lartë të Ministrisë së Mjedisit, kompaninë kontraktuese, përfaqësues të Bankës Botërore dhe ekspertë ndërkombëtarë siç janë:
Robin Petersen – Inxhinier i Digave (Anglia)
Angel Martin – Ekspert i studimeve të dheut/tokës ( Spanja )
Christos Dousis – Ekspert i Gjeologjise / Sizmikes ( Greqi )
Kristina Petrovska – Eksperte Mjedisore ( Maqedoni )
Pëllumb Gjinolli – Ekspert i Fizibilitetit ( Kosovë )

Ky projekt kapital ka rëndësi të madhe për Kosovën dhe të veçantë për Kamenicën, Qeveria e re dhe Kuvendi i ri që po presim të konstituohen shpresoj që ta vazhdojnë jetësimin e tij, duke mos vënë prioritete të tjera në këtë fushë para këtij projekti për të cilin është bërë një punë e jashtëzakonshme brenda më pak se një viti nga Ministria e Mjedisit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).