Fiku, me përfitime shëndetësore në stinën e nxehtë

Në stinën e nxehtë të verës mjekët këshillojnë që të konsumoni sa më shumë fruta e perime. Një nga frutat e sezonit është edhe fiku, një frutë shumë e shijshme, shkruan Gazeta Zëri.

Fiqtë janë të përbërë nga një numër i madh i mineraleve, i fibrave dhe i sheqernave natyralë, të cilat ndihmojnë për një funksionim sa më të mirë të proceseve në organizëm. Ata përmbajnë magnez, kalcium, hekur, vitaminë A dhe K, si dhe një numër të madh të antioksiduesve.

Fiku ndihmon në problemet me diarrenë, kollën dhe astmën. Fiqtë parandalojnë osteoporozën dhe ndihmojnë në shëndetin e eshtrave kjo falë pranisë së kalciumit dhe të mineraleve, ndërsa prania e vitaminës A dhe K ndihmon luftimin e inflamacionit dhe shërben për të mbajtur lëkurën sa më të shëndetshme.

Gjithashtu ndihmojnë në uljen e tensionit të lartë të gjakut. Ju mund ta përfshini atë në sallata ose ta hani rregullisht gjatë ditës. /ZERI