FIFA-s i propozohet një “zgjidhje kalimtare” për Kosovën

Prishtinë- Ish-këshilltari për marrëdhënie ndërkombëtare i presidentit të FIFA-s, Jerome Champagne, ka këshilluar Shtëpinë Botërore të Futbollit që të përfshihet edhe në politikë. Ai ka thënë se përmes futbollit mund të ndalen konfliktet regjionale. Sipas tij, zgjidhje për shtetet joanëtare të FIFA-s do të ishte statusi i anëtarit të asocuar.

“Edhe pse FIFA nuk është në pozitë të veprojë si ndërmjetësuese, atëherë duhet ta shfrytëzojë çdo nismë të mundshme për të krijuar traditë të ‘futbollit diplomatik’, e dizajnuar kjo për t’i reduktuar konfliktet regjionale”, ka propozuar Champagne, duke shtuar se FIFA duhet t’u ofrojë anëtarësim të asocuar shteteve si Kosova dhe Grenland.(koha)