FFK kërkon gjyqtar të rinjë

Gjilan – Komisioni i gjyqtarëve i cili është organ i federatës futbollistike të Kosovës, çdo ditë e më tepër është në kërkim të gjyqtarëve të rinjë për meshkuj dhe femra në Regjionet e Kosovës, duke ju dhënë mundësi që nëpërmjet kurseve të ndryshme të aftësohen gjyqtarë të rinjë.

Kryetari i gjyqtarëve të Regjionit të Gjilanit, Skender Hoxha, ka bërë me dije se është një rast i mirë t`i bashkëngjiten këtij aktiviteti të gjyqtarëve nga rajoni i Gjilanit.

“Pasi kandidati të kompletoj kursin të cilin e udhëheq FFK-së në mënyrë të kënaqshme ai gjyqtar mund të përparoj, në qoftëse arrin progres ndër vite do ti jepet rasti të futet edhe në listën e gjyqtarëve apo asistent të FIFA-së, i cili mund të ndaj drejtësinë edhe në arenën ndërkombëtare andaj bëj apel që çdo i ri i cili e do futbollin t`i bashkëngjitet këtij kursi i cili është tejet profesionist”.

Federata Futbollistike e Kosovës ka paraparë edhe kritere të cilat duhet plotësuar nga kandidatët për gjyqtarë të rinjë .

1. S`duhet të jetë më i ri se 16-të vjeç. Nëse ka qenë futbollist aktiv, ai duhet të jetë më i ri se 25 vjeç, mirëpo lejohen disa përjashtime të cilat i vendos Komisioni i Gjyqtarëve.
2. Të jetë në gjendje të mirë fizike, mendore dhe shëndetësore.
3. Të ketë përfunduar shkollimin e mesëm apo të jetë duke e vazhduar shkollimin.
4,Të mos ketë të kaluarën e tij kriminale.

Çdo person që është i interesuar për këtë kurs të dhënat duhet ti dërgoj në email-in [email protected]

Afati i fundit për aplikim për kandidatët e rinjë është 30.08.2017

Të gjitha informatat kandidatët e rinjë të Regjionit të Gjilanit, mund ti marrin tek kryetari Skender Hoxha i cili ka theksuar se për çdo detaj do të ndihmohen kandidatët e rinjë lidhur me këtë kurs të gjyqtarëve./rajonipress/