Festat e Nëntorit

Nga Demir Krasniqi

Ndër shekuj , ndër vite , në çdo kalendarë –
Nëntori është muaj i shenjtë për shqiptarë !
Në këtë muaj të shenjtë , në trojet ilirike –
Kanë ndodhur shumë ngjarje të mëdha historike !…

Kështu , për çdo vite në trojet arbërore –
Festat e Nëntorit , ne i festojmë prore !
I këndojmë Atdheut , Kombit dhe Flamurit –
N’ gjuhë të ëmbël shqipe me forcën e gurit !

Hajde muaj Nëntor – muaj i shenjtë kombëtarë ,
N’ truallin arbëror – gjithmonë ardhsh i mbarë !
N’ rruzullin tokësorë , n’ shi e n’ borë të bardhë –
Ti , na banë krenarë që jemi shqiptarë !

Më 28 Nëntor 1443 –
Në Shqipëri filloi një histori e re !
Trim Gjergj Kastrioti ngriti një rrëmujë –
Flamurin Arbëror e ngriti në Krujë !

Prej datës 14 deri më 22 Nëntor të vitit 1908 –
N’ Manastir u mblodhën shqiptarët e vërtetë !
Shkrepi drita e shpresës – dritë e xhevahirit ,
Lindi Dielli i rrezes – Kongresi i Manastirit !

N’ Manastir , ku ishte shtypshkronja e qytetit –
Po aty u mbajt Kongresi i Alfabetit !
Alfabeti shqip me 36 shkronja –
Shkruhet dhe lexohet gjithë kah ka shqiponja !

Më 28 Nëntor 1912 –
Shqipëria u shpall si shtet i vërtetë !
U shpall pavarësia n’ qytetin e Vlorës
Dhe u ngrit flamuri i qëndisur i Margonës !

Më 29 Nëntor të vitit 1944 –
Pas Luftës Çlirimtare – u çlirua çdo vatër !
Nga pushtuesit fashistë – u çlirua Shqipëria ,
Mbi trojet shqiptare – ngadhënjeu Liria !

Mbarë globit t’ tokësorit , shqiptarët kah jetojnë –
Festat e Nëntorit , gjithë do t’i festojnë !
Do të hedhin valle dhe do të këndojnë –
Me flamuj në dorë shqipet do t’ valojnë !

Gjilan, më 23.11.2017
Demir Krasniqi