– Teksti, muzika dhe interpretimi : Demir Krasniqi –
Kur kujtoj festat e Majit –
Vështirë e kam t’i shpëtoj vajit !
Kujtoj festat në vendlindjen time –
Ku më lidhin shumë kujtime !
Refreni :
Gëzuar ! Gëzuar !
Festa e punëtorisë !
Gëzuar ! Gëzuar !
Festa e shenjtërisë !
1. Nata e 1 Majit
N’ orë të mbrëmjes , më 30 Prill –
Festa e Majit fillon në pyll !
30 Prilli është “Nata e zjarreve” –
Ndizet dritë kodrave , maleve !…
Refreni :
Gëzuar ! Gëzuar …etj.
Në këtë natë n’ fshatrat malore –
Kudo ndizeshin zjarre prore !
Fshat e lagje bënin garë –
Kush ma t’ madh do të ndezë zjarr ?!
Refreni :
Gëzuar ! Gëzuar …etj.
2. Dita e 1 Majit
Për 1 Maj , herët n’ mëngjes –
Me gëzim t’ madh dalshim n’ Tugjec !
Këtë ditë e pritshim me shumë gëzim –
Se n’ Tugjec kishim festim !
Refreni :
Gëzuar ! Gëzuar …etj.
1 Maji , n’ Tugjec kremtohej prore –
Festa Ndërkombëtare e Punëtorëve !
T’ gjitha fshatrat e Gollakut –
N’ Tugjec vinin prej merakut !
Refreni :
Gëzuar ! Gëzuar …etj.
Nga çdo anë ushtonin kodrat ,
Krisnin pushkët , binin lodrat …
Binin fyejt dhe kavallet ,
Jehonin këngët , hidheshin vallet !…
Refreni :
Gëzuar ! Gëzuar …etj.
Në Tugjec , n’ rrafsh kodrinore –
Ishte shkolla e plotë fillore !
Shfaqeshin programe kulturore ,
Recitime , këngë e valle popullore !…
Refreni :
Gëzuar ! Gëzuar …etj.
T’ gjithë fshatarët nga këto male –
Luanin lojëra tradicionale !
Bënin gara me gurapesh
Edhe n’ mundje si është zakon prej nesh!…
Refreni :
Gëzuar ! Gëzuar …etj.
3. Nata e Shën Gjergjit
Më 5 Maj , për net t’ Shën Gjergjave –
T’ gjithë ia mësynin për mbledhje t’ lerthave !
Vjet për vjet për netët e Shën Gjergjave –
Mbarë Gollaku shkonte për mbledhjen e lerthave !
Lerthat ishin bimë autoktone natyrore –
Që për ditë t’ Shën Gjergjit me to qiteshin lakrorët !
Shumica e fshatarëve t’ malësisë së Gollakut –
Ia mësynin lerthave vetëm prej merakut !
Në mes Hajkobillës edhe Gllogovicës –
T’ gjithë ia mësynin lumit të Kallogjericës !
Vendtubimi ishte te Hani i Sherifit –
Atje n’ bazë t’ traditave i rrinin teklifit !
Në atë vendtubim , n’ atë luginë me male –
Luheshin shumë lojëra tradicionale !
Në mes të shumë lojërave , traditë në mes nesh –
Atje bënin gara n’ gjuajtje gurapesh !
Këndonin këngë t’ bukura malësore , burimore ,
Me fyej , bishtnica e kavalle , hidhnin valle popullore !…
4. Dita e Shën Gjergjit
Më 6 Maj , festohej Dita e Shën Gjergjit –
Me gëzim t’ madh e pritnim këtë festë të qejfit !
Herët që n’ agim , pa zbardhë mirë dita –
Nëna na zgjonte prej gjumit duke na stërpikë me hithra !
Me ujë hithrash na stërpikte vetëm se prej qejfi –
Me dëshirë që gjatë tërë vitit të na punojë shëndeti !
Sapo ne prej gjumit që të gjithë u zgjonim –
Rreth e rreth me rrema shelgjesh – shtëpinë e hijeshonim !
Me dëshirë që shtëpia të kishte gjelbërim –
Kurse ne të gjithë familja ta kalojmë verën me gëzim !
Pas ngrënies së drekës tradicionale –
Për festë të Shën Gjergjit , dalshim n’ kodra e n’ male !
Atje i luanim lojërat që i kishim traditë –
Që me to ndër festa , gjithmonë ishim rritë !
Për Ditë të Shën Gjergjit , bënim gara n’ mundje –
Duke e lutur Zotin , që t’ mos kemi sëmundje !
Po atë ditë bënim gara në përlarje –
Duke e lutur Zotin , t’ mos kemi përçarje !
Po atë ditë bënim gara në kërcim –
Duke e lutur Zotin , t’ mos kemi hidhërim !
Luanim lojëra t’ ndryshme dhe bënim hajgare –
Shumica prej nesh luanim dhe me pare !
Me mahi të ndryshme u shkrinim prej gazi –
Me para të hekurta luhej :“Turra” edhe “Jazi” !
Me para të hekurta luanim lojë me garë –
Lypshin : “Turrë” e “Jaz”, tu i sjellë n’ plisa t’ bardhë !
5. Dita e Shën Markut
Më 8 Maj festohej Dita e Shën Markut –
Në Tugjec dhe n’ gjitha fshatrat e Gollakut !
Dreka e Shën Markut , kishte shije t’ ëmbël –
Nëna shtronte sofrën plot përshesh me tambël !
Për festë të Shën Markut , kishte një adet –
T’ gjithë e lutshim Zotin , t’ ketë më shumë bylmet !
Gjilan, më 08.05.2020 v. Demir KRASNIQI
