Festa Shabani: Zgjohuni nga gjumi inspektorë të komunës dhe kontrolloni mishin që po konsumojmë

Gjilan – Këshilltarja Komunale nga PSD-ja, Festa Shabani në seancën e VI/të Komunale si shqetësimi ngriti çështjen për produktet e mishit në qytetin e Gjilanit po ashtu kërkoi inspektim të mishit në qendra tregtare.

E dimë se për kontrollin e mishit është kompetent Agjensioni i Veterinës dhe Ushqimit të Kosovës(AVUK), mirëpo është tejet shqetësuese që në qytetin tonë ende nuk kemi parë ndonjë iniciativë për të bërë kontrollë rreth mishit në Qendrat Tregtare, siç kemi parë iniciativa në komunat e tjera, dhe nuk kemi asnjë rezultat apo informatë se nga po furnizohen qytetarët e komunës tonë me mish. A ka komuna jonë Inspektor dhe a kanë menduar të bëjnë hapa konkretë rreth kësaj çështje mjaftë serioze për të gjithë qytetarët e Gjilanit ka thënë Shabani./rajonipress/