Gjilan – Derisa Nehat Osmani ka akuzuar Festa Shabanin se është larguar nga LVV për interesa të saja personale dhe se është patericë e qeveritarëve komunal, menjëherë ka reaguar Festa Shabani e cila e ka quajtur të turpshme diskutimin e Nehat Osmanit. Është e turpshme ta përmendësh emrin tim sepse ka 8 vite që isha pjesë e LVV duke punuar në mënyrë vullnetare derisa ju edhe keni marrë pagë nga VV ka shtuar ajo.
Në seancën e së enjtes të Kuvendit Komunal është zhvilluar një debat i ashpër mes Nehat Osmanit dhe Festa Shabanit.
Nehat Osmani ka kërkuar nga kryesuesja e Kuvendit që ta përmbush kërkesën e LVV dhe që në vend të Festa Shabanit të caktohen anëtarët e devotshëm të LVV.
Osmani duke ironizuar tha se janë krenar që është larguar Fetsa Shabani sepse LVV nuk mbanë paterica e as servil të pushtetarëve. “Festa Shabani është uzurpatore dhe duhet ta lirojë pozitën” tha Osmani.
Por i menjëhershëm ka qen reagimi i Festa Shabanit. “Është e turpshme që Nehat Osmani e përmend emrin tim, sepse ka 8 vite që unë isha në LVV dhe kam punuar vullnetarisht kurse ju edhe keni marrë pagë nga LVV. Është turp për juve që merreni me emrin tim sepse ju e dini shumë mirë dhe saktë pse jam larguar nga LVV” u shpreh Shabani./rajonipress/
