KKGJILAN

Festa e Vitit të Ri

/ 3 minuta lexim

Ç’ ka oxhaku që qet tim – N’ shtëpinë tonë sot ka festim !
Jem bashkua pleq e t’ ri – Po festojmë Vitin e Ri !

Është ndezë zjarri, është ngrohë hiri –
Bijë e bija prej një gjiri …
Respektohet fjala e plakut –
Ulë këmbëkryq në ballë t’ oxhakut .
Sonte s’ bashku do t’ gëzojmë ,
S’ bashku gotat t’i cakërrojmë ,
Do t’ këndojmë e do t’ vallëzojmë –
Vitin e Ri ta festojmë !
Njëri – tjetrit t’i urojmë –
Me gëzim jetën ta kalojmë ,
Fatbardhësi të përjetojmë ,
N’ lumturi jetën ta çojmë !
Nga vendlindja e nga mërgata –
Mbushë shtëpia plot dhurata ,
Përqafime e shumë urata ,
Lutje Zotit për jetë të gjata !…
Mundi ynë , të mos shkojë kot –
Sonte sofrat t’i kem plot !
Lusim Shenjtë e lusim Zot –
Askund n’ botë të mos ketë lot !
Askund n’ botë , t’ mos ketë varfëri ,
Askund n’ botë , t’ mos ketë uri !
T’ ketë liri e rehati ,
T’ ketë bukë boll e begati !
Kur vjen festa e Vitit t’ Ri –
Gëzohen pleq e gëzohen t’ ri !
Gëzohen plaka e gëzohen t’ reja –
Jehon kënga e hareja !
Zemrat plot me bujari ,
Sofrat plot me begati !…
Sonte kemi me u kënaqë –
Lusim Zotin , të ketë paqe !
Lusim Zotin me madhëri –
Në mbarë botën t’ ketë liri ,
Të ketë paqe e dashuri ,
T’ ketë gëzim e lumturi !
Sonte Zotin kem me e lutë –
Të ketë paqe – t’ mos ketë luftë !
Askund t’ mos ketë fatkeqësi –
Gjithkund n’ botë të ketë kënaqësi !
Askund n’ botë , t’ mos ketë robëri –
Të ketë paqe , t’ ketë liri !
Gjithkund n’ botë , të ketë miqësi –
Askund t’ mos ketë armiqësi !
Jem bashkua vëllezër e kunata –
S’ do të flemë sa të jetë nata !
Jem bashkua bijë e bija –
Plot gëzim është mbushë shtëpia !
Jem bashkua vëllezër e motra –
Begati është mbushë plot sofra !
Jem bashkua nipa e mbesa –
Gëzim , hare ringjallin shpresa !…
Janë gëzua shumë vjehërria –
Shtohen mburrja e krenaria !
Gëzohet baba e gëzohet nëna –
Porsi Dielli , rrezon Hëna !
Bijë e bija prej kurbeti –
Sonte shtrohet muhabeti !
Sonte shtrohet bujaria –
Sofrat mbushë me pite e flija !…
Mirë se erdhët motra e vëllazëri –
Sonte duamë me u shkri !
Mirë se erdhët nga mërgata –
Sonte s’ do t’ flemë sa t’ është nata !
Ngremë dolli e cakërrojmë gota –
Sonte e jona është gjithë bota !
Hajde bashkë ta vallëzojmë “Shotën” –
Ta gëzojmë vëllain , ta gëzojmë motrën !…
Hajt t’ ia marrim s’ bashku këngën –
Ta gëzojmë babën , ta gëzojmë nënën !
Hajt t’ a hedhim s’ bashku vallen –
Ta gëzojmë motrën , ta gëzojmë hallën !
Sonte t’ mos i ndalim vallet –
T’i harrojmë brengat dhe hallet !
Hajde bashkë t’ a cakërrojmë gotën –
T’ a vallëzojmë “Gajden” e “Shotën” !…
Do t’ vallëzojmë s’ bashku n’ këtë natë –
Paçim fat e jetë të gjatë !
Do t’ vallëzojmë deri n’ mëngjes –
Për jetë t’ mbarë me plot sukses !
Hedhim valle me lezet –
Paçim gëzim, paçim shëndet !
Do t’ vallëzojmë për bukuri –
Paçim gaz e lumturi !

Fundamenti

Gjilan, më 28.12.2016. Demir Krasniqi