Gjilan – Në javën e 14-të të Superligës së Kosovës në futboll në stadiumin e qytetit në Gjilan pa praninë e shikuesve për shkak të COVIDIT-19 Skuadra e Dritës nuk ka mundur ta nxjerrë më shumë se një pikë nga ballafaqimi me Feronikelin.
Rastin e parë tek Drita e pat në minutën e 24 Fazliu gjuan bukur për pak sa nuk shënon në portën e Ilir Avdylit të Feronikelit.
Pesë minuta para përfundimit të pjesës së parë mysafirët shënojnë, ku së pari gjuan Besmir Bojku i cili godet shtyllën topi dëbohet gjerë tek sulmuesi Mendurim Hoti i cili mposht Rexhepin e Dritës 1-0.
Kastriot Rexha ishte në pozitë të mirë shënimi në minutën e 46 dhe 57 por dështon në rastin e parë gjuan jashtë portës ndërsa në të dytin Avdyli mbron.
Gabim trashanik bën gjyqtari i kësaj ndeshje Burim Jahmurataj kur në minutën e 74 i cili anulon golin e rregullt të Simonovskit të Feronikelit pasi nuk ishte në pozitë jashtë loje.
Në minutën e 76 pas një kundër zbritje Almir Ajzeraj barazon në 1-1. Në minutën e 80 Dabiqaj i Feronikelit ndëshkohet me karton të kuq.
Trajneri i Dritës Ardian Nuhiu pas ndeshjes ka deklaruar:
“Na mungoj përqendrimi para portës dhe finalizimi i aksioneve, por kemi bërë një ndeshje të mirë. Mysafirët kishin ardhur për tu mbrojtur ndërsa në pjesën e dytë nuk realizuam disa raste të mira”.
Në javën e 15-të Drita takohet me rivalin lokal Gjilanin në cilësinë e mysafirit./rajonipress/
