Feronikeli feston titullin në Gjilan
Gjilan – Mysafirët edhe një herë treguan se janë të pa konkurrencë në futbollin e Kosovës duke mos i dhënë asnjë mundësi futbollistëve të Gjilanit që të rrezikojnë portën e portierit Neziri.
Futbollistët mysafirë ishin të parët që rrezikuan në minutën e 15-të kur Mevlan Zeka për pak sa nuk shënon.
Shkëmbim Salihu i Gjilanit në minutën e 20-të, gjuan por gjuajtja e tij përfundon mbi portë.
Në minutën e 35-të Haxhi Shala i mysafireve gjuan nga 10 metra, por topi qëllon mbrojtjen e Gjilanit duke shpëtuar portën e tyre.
Momenti vendimtar gjatë tërë ndeshjes së sotme ishte minuta e 42-të, kur Arsim Thaçi pas goditjes nga këndi më së miri shkëputet duke goditur topin me kokë dhe shënon nga 10 metra.
Mysafirët kanë mundur të ngrisin epërsinë në minutën e 82-të por gjuajtja e mesfushorit Mark Milicaj nga 18 metra përfundon pranë shtyllës pingule të portierit të Gjilanit Kaciu.
Futbollistët e Gjilanit që nga minuta e 60-të ndeshjen e zhvilluan me 10 futbollistë pasi Gëzim Rusi u ndëshkua me karton të kuq.
Në përfundim të ndeshjes shikuesit e pranishëm në stadium në mënyrë sportive me duartrokitje përshëndetën kampionët e rinjë me duartrokitje.
Pas ndeshjes trajneri i Gjilanit Arbnor Morina deklaroi,” I urojmë Feronikelit titullin e kampionit me plot meritë janë më të mirët, ndërsa ne po vazhdojmë të luajmë edhe këto ndeshjet e fundit të cilat na kanë mbetur”.
Për trajnerin e Feronikelit Afrim Tërvolani ishte gëzim i veçantë pas 90 minutave,” Në mënyrë të mençur zhvilluam ndeshjen shënuam dhe fituam ndërsa futbollistëve të mijë ju uroj këtë titull mjaftë të vështirë por të merituar”. /rajonipress/
GJILANI – FERONIKELI 0-1 (0-1)
Stadiumi i qytetit në Gjilan
Shikues – rreth 1000
Gjyqtar – Jahmurataj, Musolli, Abrashi , Shuleta
Kartona të kuqë -Rusi (Gj),
Kartona të verdhë – Rexhepi, Kastrati (Gj), Zeka, Shala (F)
Golashënues – Arsim Thaqi (42′)
Gjilani- Kaciu, Shala, Jamal, Hyseni, Kastrati, Mustafa , Rusi, Shabani,(Shabani) Salihu,(Morina), Rexhepi ,(Maliqi) Shaqiri
Feronikeli – Neziri, Doshlaku, Shala, Limani, Thaqi, Maliqi, Shabani, Milicaj, Bardhi (Zhdrella)Hoti (livoreka)Zeka (Eminhaziri)