Fermerët vitias përfitojnë ormanë për ruajtjen e pesticideve

Viti – Kryetari i Komunës së Vitisë, Sokol Haliti ka marrë sot pjesë në ceremoninë e dorëzimit të 16 ormanëve për fermerët vitias. Ormanët do të shërbejnë për ruajtjen e pesticideve në vende te sigurta.

Përndryshe kjo gjë u mundësua falë projektit “Fuqizimi i fermerëve të Vitisë përmes ngritjes se kapaciteteve dhe promovimit te produkteve bujqësore” dhe është në kuadër të Programit Rajonal mbi Demokracinë Lokale në Ballkanin Perëndimor që financohet nga Bashkimi Evropian (ReLOad) dhe zbatohen nga Programi i Kombeve të Bashkuara për Zhvillim ( UNDP).

Kurse i pranishëm në këtë ceremoni ishte edhe Ekrem Bajrami, Drejtor i Organizatës IKC me të cilën Komuna e Vitisë ka disa bashkëpunim, kryesisht në fushën e bujqësisë./rajonipress/