Ferizaj ja “terron” Dritës në Gjilan

Ish-futbollisti i Dritës, Filonit Shaqiri, i cili në këtë afat kalimtar të verës ka kaluar tek skuadra e Ferizajit ishte protagonisti kryesor i ndeshjes së sotme të zhvilluar në stadiumin e qytetit në Gjilan para 2000 shikuesve.

Shaqiri ka shënuar supergol me mjeshtri në minutën e 94-të, duke gjetur rrjetën e portierit Darko Tofiloski duke i shtangur si futbollistët njashtu edhe shikuesit në shkallët e stadiumit.

Në pjesën e parë të dy skuadrat kishin gjysmë rastet e tyre por pa rrezik për portat kundërshtare, duke u përmbyll pjesa e parë me rezultat të bardh 0-0.

Në pjesën e dytë rast ideal shënimi kishte Izair Emini por nga afërsia gjuan mbi port.

Emini në minutën e 77-të, gjuan nga distanca por “gardiani” i Ferizajit, Armend Blakqori, me mund të madh shpëton rrjetën e tij.

Në minutën e 84-të, Gilberto Fortunato ndëshkohet me karton të kuq pas goditjes në Viktor Kukën e Ferizajit.

Futbollistët e Dritës kanë mundur të shpëtojnë një pikë në minutat shtesë në atë 97 por Bujar Shabani shpërdoron një rast tejet të mirë.

Trajneri i Dritës Ardian Nuhiu pas ndeshjes ka deklaruar
“Është fillimi i kampionatit së paku e merituam një pikë por nuk e arritëm, ndërsa mysafirët nga një kundërsulm na ndëshkuan, në përgjithësi jam i kënaqur me angazhimin e futbollistëve të mijë shpresoj se shumë shpejt do t’ju kthehemi fitoreve”./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).