Fenerbahce takohet me Hadergjonajn

Mbrojtësi i krahut Florent Hadergjonaj, po flitet që të jetë një nga transferimet e mundshme të Fenerbahces.

Ka qenë fillimisht Telegrafi që ka njoftuar se legjenda e klubit, Volkan Demirel, ka qenë i pranishëm në ‘Fadil Vokrri’ për ta përcejlle nga afër lojtarin e Kosovës.

Sipas raportimeve të fundit, trajneri Demirel i ka thënë Fenerbahçes që ta sjellë atë në Turqi, gjë e cila mund të ndodhë më së shpejti në janar, gjatë kohës së transferimeve.

Tani mediat britanike, shkruajnë se Fenerbahce e ka seriozisht për Florent Hadergjonaj, që e shohin si zëvendësues të Mauricio Islas, kontrata e të cilit do të skadojë në fund të sezonit.

Lojtarit të Huddersfield në Angli, kontrata do t’i përfundojë në vitin 2021, por vetë lojtari kërkon nga klubi që ta shesë, pas takimit me klubin turk.

Lojtari 25-vjeçar këtë sezon në Championship ka pasur tetë paraqitje, duke bërë një asistim. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).