Fëmijët vendosin lule tek dëshmorët për nder të 14 vjetorit të Pavarësisë së Kosovës

Gjilan – Shumë nxënës të ciklit të ulët dhe atyre parashkollorë, sot defiluan nëpër rrugët e qytetit me lule e shkrime për nder të 14 vjetorit të ditës së Pavarësisë së Republikës së Kosovës.

Të emocionuar nën përkujdesjen e edukatoreve e arsimtareve, fëmijët me ngrohtësi të madhe u përkulën para përmendores së kolosëve të lirisë, Rexhep Mala e Nuhi Berisha.

Fëmijët me shumë dashuri ndaj ditës së Pavarësisë kishin thurur vargje për këtë ditë të veçantë, siç ishin: “Plot sakrifica e vuajtje e padrejtësi kaloi kjo Kosova ime gjatë rrugës së Pavarësisë” “Sa e shenjët e sa e çmuar është kjo ditë, sa me mall të thërrasim “Kosova Republikë”.